انواع النسيان

[center]النسيان انواع كثيره ومنه قالت العرب : نسي الرجل اخاه اي رافقه في السفر

ومن شان هيك بقول لكم انواع النسيان

اولاً : النسيان البيزنطي ,,,
وهو انك تتناسى الشيء للهروب من المسؤليه مثل اهلك يبون منك شيء وتطنش وتقول اووووووووووووووووه والله نسيت

وبالنسبه للبنات تقول لها امها وينتس ماجيتي وانا قايله لتس انزلي بسرعه تقول البنت اووووووووووووه والله نسيت وهي النصابه قاعده تهذر بالماسنجر


ثانياً : النسيان البيروقراطي ,,,
وهو النسيان حق الشخصيات المهمه
مثل يقولون له ماجيت للعشاء يقول اوووووووه والله نسيت

ثالثاً : النسيان القهري ( اللي يقهر )
مثل الزوجه تصير مواعده زوجها يوديها للسوق والا اختها والا اهلها والا اي شيء
ويخليها منطقه لانه قاعد بالاستراحه وهيتدقدق عليه بالجوال وهو مطنش
واذا رجع للبيت قال اوووووووووووووووه والله نسيت جوالي على الصامت من بعد الصلاة .......( النصاب )

رابعاً: النسيان الحليلي ........ اللي يوسع الصدر ولايضر احد
وهذا كثير يصير لي
مثل ادور الجوال وانا اكلم فيه والا مفتاح السياره وهو بيدي والا الساعه وانا لابسها واطالع فيها واقول يالله والله تأخرت

خامساً : النسيان الغصبي ......... غصب عن الواحد
مثل اللي ناسي زوجته ساعتين بالسياره برمضان وهو حرررررررررررررر قوه ومسكر الدرايش
طالع للمكتب يوقع ويرجع يوديها للكليه ولاتذكرها الا وهو يكبر لصلاة الظهر
يوم رجع للسياره مايدري وش يقول لها ................. تبون اعلمكم وش قال وهي وش قالت له

سادسا : أأأأأأأأأأأأأأأأأأأأ أأأأأأأأ ...... نسيت يالله بعدين اكمل لكم

انتم هاتوا وش نسيتوا[/center]